Oh Dìo! Quella Città cussì famosa
Oh Dìo! Quella Città cussì famosa
|
1789
|
|
Edission original: |
Giorgio Baffo, Raccolta universale delle opere di Giorgio Baffo veneto, Tomo III, Cosmopoli, 1789 |
|
Fonte: |
Indice:Raccolta universale delle opere di Giorgio Baffo 3.djvu |
| ← Dov'è quella Città cussì brillante | Edission e fonte ▼ | I se lagna, perchè ste nostre Done → |
SULLO STESSO ARGOMENTO.
SONETTO
Oh Dìo! Quella Città cussì famosa
Per la so libertà, dov'ela andada?
Deserta ogni bottega, e abbandonada
4Da chi fava una mostra deliziosa!
La giera in fatti una gran bella cosa
Veder in le botteghe una filada
De Donne vestìe tutte da parada,
8Oh Dìo, che mudazion trista, e nogiosa!
Adesso, ch'i hà desfatto i camerini,
Chi no gà o casinetto, o la barchetta,
11Dov'hali da buttar fuora i nini?
Gran disgrazia xe questa a dirla schietta,
Bisognerà, che vaga sti meschini
14A farselo menar alla Lozetta.