O invidia nemiga de vertue,
Ch'a un bel principio me vien contrastando,
Chi t'ha mandao s'in pressa desturbando
Le mie allegrezze adesso cognossue?
Quante citae, per ti e romase nue,
Che le so zente, sempre lagremando
Va per el mondo, i so drappi fruando.
Da far pietae, ai Cingani, e le grue.
Grama descavià, seccha poltrona,
Piena de rabbia, e de mille furori,
Che fa schiavo, chi diè portar corona.
Sassina d'ogni requie, e d'ogni honori,
Brutta, gaioffa, trista maschalzona,
Cason de le mie pene, e i mie dolori.
