Oè, veder mi me par el Giustinian
|
1789
|
|
Edission original: |
Giorgio Baffo, Raccolta universale delle opere di Giorgio Baffo veneto, Tomo II, Cosmopoli, 1789 |
|
Fonte: |
Indice:Raccolta universale delle opere di Giorgio Baffo 2.djvu |
| ← Nò per veder el Popolo Roman | Edission e fonte ▼ | Deventà Papa 'l vostro gobbo appena → |
Oè, veder mi me par el Giustinian
Aver colle Cappelle da quà avanti,
E coi capelli, dei disturbi tanti,
4Che seccarave ogni fedel Cristian,
Passar in mezzo al Popolo Roman,
Ch'adora i Ambasciadori più dei Santi,
E che quelle Romane senza guanti
8Per ambizion le ghe lo tioga in man.
De sentir, el ghe diga, pò me par,
Che le puol far con lù dei scappuzzoni,
11Che lù no le puol più certo ingraviar,
Perchè quei tanti gran complimentoni,
Che ghè stà fatto, e che l'hà bù da far,
14Gà seccà tutto 'l sugo dei cogioni.