Deventà Papa 'l vostro gobbo appena
|
1789
|
|
Edission original: |
Giorgio Baffo, Raccolta universale delle opere di Giorgio Baffo veneto, Tomo II, Cosmopoli, 1789 |
|
Fonte: |
Indice:Raccolta universale delle opere di Giorgio Baffo 2.djvu |
| ← Oè, veder mi me par el Giustinian | Edission e fonte ▼ | Cosa fà tanta zente col martello → |
Deventà Papa 'l vostro gobbo appena,
Che con scomesse avè comprà 'l Capello,
Quanto gà la Republica de bello
4Tutto a gambe levae ve dà in la schena.
E vù Triregni, e Chiave entrar fè in scena
Sui so segni d'onor? Dov'è 'l cervello
De quel vostro Cugnà Zustinianello,
8Che per el naso Pare, e Fio ve mena?
Zà tutta la Città xe persuasa,
Che co San Marco abbiè mancà de cuor,
11E de Roma abbiè bù la testa invasa.
Altra scusa, per Dìo, no ghè a sto error,
Se non el dir, che senza un Papa in casa
14Vù no saressi stà Procurator.