No se sà dove ancuò più praticar
|
1789
|
|
Edission original: |
Giorgio Baffo, Raccolta universale delle opere di Giorgio Baffo veneto, Tomo I, Cosmopoli, 1789 |
|
Fonte: |
Indice:Raccolta universale delle opere di Giorgio Baffo 1.djvu |
| ← Hò visto in sogno Amor, che se lagnava | Edission e fonte ▼ | Cosa me piase quella Donna Ircana → |
No se sà dove ancuò più praticar,
Se se và in t'un Caffè se trova zente,
O visdecazzi, che no intende gnente,
4O Cogioni, che vuol sempre parlar.
Se se tiol la Regina a spalleggiar
Salta fuora un Prussian cussì insolente;
Che chi no fusse savio, e anca prudente,
8Per Dìo, se cattarave da criar.
Se ben volessi dir dei Gesuiti,
Subito ve vien fatta opposizion,
11Che i xe avari, impostori, e sodomiti;
Se de Dame se và in conversazion,
Che fazza voggia ai Omeni puliti,
14Se trova quello, che ve fà el muson.
Che viver buzaron!
In summa mi no gò cosa più bona
17De quando, che son drento della Mona.