Hò visto in sogno Amor, che se lagnava

by Giorgio Baffo

3 Hò visto in sogno Amor, che se lagnava Raccolta universale delle opere di Giorgio Baffo Tomo I Cos'è sto amor? Più, che ghe penso suso No se sà dove ancuò più praticar Giorgio Baffo 1789 XVIII

soneti

Giorgio Baffo ―  Raccolta universale delle opere di Giorgio Baffo  ―  Tomo I

Hò visto in sogno Amor, che se lagnava

1789

Edission original:	Giorgio Baffo, Raccolta universale delle opere di Giorgio Baffo veneto, Tomo I, Cosmopoli, 1789
Fonte:	Indice:Raccolta universale delle opere di Giorgio Baffo 1.djvu

←  Cos'è sto amor? Più, che ghe penso suso

Edission e fonte ▼

No se sà dove ancuò più praticar  →

SOGNO

SONETTO

Hò visto in sogno Amor, che se lagnava,
    Che le Donne de lù fava baccan,
    E che le lo trattava, come un can,
    4E che dei schiaffi, e pugni le ghe dava.

El cuor de compassion el me cascava,
    Perchè per tutto el giera poco san,
    L'aveva rotto i brazzi, e anca una man,
    8E come un zotto, e strupio el caminava;

Addosso gò tegnù l'occhio a pennello,
    E hò visto, che de san perfettamene
    11Altro lù no gaveva, che l'Osello.

Hò dito; questo xe segno evidente,
    Che le Donne no tiol de mira quello,
    14Ma che le fà l'amor senza far gnente.

                    M'hò stupìo veramente;
Che hò sempre sentìo a dir fin da ragazzo,
    17Che amor senza chiavar no val un Cazzo.