Pagina:Poesie veronesi (Giovanni Ceriotto).djvu/54

Da Wikisource
Jump to navigation Jump to search
75%.svg
Sta pagina la xe stà trascrita, ma la gà ancora da vegner rileta.


Nina nana


     La nina nana te canto, putina;
sèra1 i oceti, che a rente2 te son;
quà su sta cuna, da sera a matina,
ghe sgola sempre 'na bela canson.

     Le passarine quà zo le se inchina,
par darte i basi, che mi de scondon,3
buto par aria su quela facina,
che incipria i merli de sto foreton.

     La nina nana, putina. te canto;
sgola i pensieri e i se posa s'un fior,
su quel fioreto che sta par incanto,

     fra le so piume e fra meso al me cor;
se quei oceti i se buta nel pianto,
sta nina nana, la perde el color.

  1. sèra: chiudi
  2. a rente: vicino
  3. de scondon: di nascosto
Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Pagina:Poesie_veronesi_(Giovanni_Ceriotto).djvu/54&oldid=63977"