Nel zorno del matrimonio Sandi-Mengoti

by Giuseppe Cumano

3 Nel zorno del matrimonio Sandi-Mengoti Giuseppe Cumano XIX Soneti

Indice:Raccolta di poesie in dialetto veneziano 1845.djvu

Giuseppe Cumano

Nel zorno del matrimonio Sandi-Mengoti

XIX secolo

Edission original:	Raccolta di poesie in dialetto veneziano d'ogni secolo nuovamente ordinata ed accresciuta, Volume unico, a cura de Bartolommeo Gamba, Venezia, G. Cecchini, 1845
Fonte:	Indice:Raccolta di poesie in dialetto veneziano 1845.djvu

Edission e fonte ▼

NEL ZORNO DEL MATRIMONIO

SANDI - MENGOTI

Promemoria ai Sposi.

Ochio, sfesa e subioto, i xe tre modi,
     Che ga in uso fra nu l'agricoltor
     Co 'l zonta insieme de do piante i nodi
     Per darghe ai fruti qualità e saor:

Nè a l'orba no, ma coi principi sodi
     Del so mistier, poloni de vigor
     El va cernindo; el va scartando i vodi;
     L'unisce quei, che à simpatia de umor.

Ancuo in ste nozze xe previsto tuto;
     Vu, sposo, avè trovà la vera pola,
     Che darà co l'incalmo otimo fruto:

Altro no resta, che la scielta sola
     Del modo de incalmar co più costruto:
     Vu se l'agricoltor... savè la scuola.