Nel boschetto della Diletta mìa
|
1789
|
|
Edission original: |
Giorgio Baffo, Raccolta universale delle opere di Giorgio Baffo veneto, Tomo III, Cosmopoli, 1789 |
|
Fonte: |
Indice:Raccolta universale delle opere di Giorgio Baffo 3.djvu |
| ← Tette fatte de latte, e de zonchiada | Edission e fonte ▼ | Senti, Nina, sta notte m'hò insognà → |
Nel boschetto della Diletta mìa
Ho visto amor in forma d'Oselletto;
Allora hò tiolto suso el mio schioppetto,
4E son andà per trarghe da drìo vìa
Gò tirà un colpo, e lù xe scampà vìa,
E 'l s'hà messo a cantar s'un albaretto,
Che mi no sò, se possa un Anzoletto
8Cantar con più soave melodìa;
Pò dopo l'è saltà de quà, e de là,
Ora sora de un ramo, ora per tera,
11E mi per tutto drìo ghe son andà;
Ma, co l'hà visto, che ghe fazzo guera,
Che tento de chiapparlo, el s'hà cazzà
14Della mia bella Ninfa in l'Oselliera.