Pagina:Raccolta universale delle opere di Giorgio Baffo 3.djvu/44

Da Wikisource
Jump to navigation Jump to search
75%.svg
Sta pagina la xe stà trascrita, ma la gà ancora da vegner rileta.


LA CAZZA DEL DIO D'AMOR.


SONETTO


Nel boschetto della Diletta mìa
    Ho visto amor in forma d'Oselletto;
    Allora hò tiolto suso el mio schioppetto,
    4E son andà per trarghe da drìo vìa

Gò tirà un colpo, e lù xe scampà vìa,
    E 'l s'hà messo a cantar s'un albaretto,
    Che mi no sò, se possa un Anzoletto
    8Cantar con più soave melodìa;

Pò dopo l'è saltà de quà, e de là,
    Ora sora de un ramo, ora per tera,
    11E mi per tutto drìo ghe son andà;

Ma, co l'hà visto, che ghe fazzo guera,
    Che tento de chiapparlo, el s'hà cazzà
    14Della mia bella Ninfa in l'Oselliera.

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Pagina:Raccolta_universale_delle_opere_di_Giorgio_Baffo_3.djvu/44&oldid=60792"