Ne la quiete

Da Wikisource
Jump to navigation Jump to search

EPUB silk icon.svg EPUB  Mobi icon.svg MOBI  Pdf by mimooh.svg PDF  Farm-Fresh file extension rtf.png RTF  Text-txt.svg TXT
75%.svg
Qualità del testo: sto testo el xe conpleto, ma el gà ancora da vegner rileto.
←  Antitesi Edission e fonte ▼ Tradimenti  →
[p. 29 modifica]
NE LA QUIETE



Mia Nineta: te par? tuto tase,
     Tuto dorme paçifico e queto....
     Che piaçer che ne dona 'sta pase
     4Stando qua, da viçini, cussì!

Xe lontan quela gondola nera
     E quel remo che l'aqua rompeva....
     El silenzio seren de la sera
     8No 'l xe roto cussì dal remar.

E l'arieta che passa, che sfiora
     El to viso belissimo e caro
     Via la core, tasendo, e ne indora
     12Col so' ciaro la luna del çiel.

E seguimo co l'ocio le bele
     Nuvolete che passa là in alto,
     E contemo la palide stele
     16Che se risćia vegnerse a mostrar.

E la luna ne varda, ridendo,
     Tonda, tonda, fasendo de ocieto....1
     Nu ridemo, e se 'ndemo strenzendo
     20Un co st'altra, parlandose al cuor.

Po, su l'aqua che va, tremolando,
     Rifletendo, più granda, la luna,
     Nu chinemo la testa vardando
     24Quel belissimo specio del çiel,

[p. 30 modifica]


E voressimo dirse qualcossa
     Per la quiete che dorme, che tase,
     Per l'arieta che xe apena smossa,
     28Che ne ispira, tasendo, l'amor;

Ma vardandose i oci, tasemo,:
     Rispetemo el silenzio tranquilo,
     E, vardandose, ai cuori parlemo:
     32Co le ociae2 se capimo benon!

Finalmente, strenzendose ancora
     Più viçini, contenti, beati,
     Finchè 'l caldo respiro ne sfiora
     36Riscaldandone el viso e anca el cuor,

Nu, coi brazzi3 ligandose el colo,4
     Su la boca se demo dei basi:
     Ne la quiete soavissima solo
     40Fa susuro dei basi 'l sćiocar



  1. fasendo de ocieto = strizzando l'occhio.
  2. co le ociae = a occhiate.
  3. brazzi = braccia.
  4. ligandose el colo = legandoci il collo.
Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Ne_la_quiete&oldid=60064"