Antitesi

Da Wikisource
Jump to navigation Jump to search

EPUB silk icon.svg EPUB  Mobi icon.svg MOBI  Pdf by mimooh.svg PDF  Farm-Fresh file extension rtf.png RTF  Text-txt.svg TXT
75%.svg
Qualità del testo: sto testo el xe conpleto, ma el gà ancora da vegner rileto.
←  Go dito che Edission e fonte ▼ Ne la quiete  →
[p. 27 modifica]
ANTITESI



Dise 'na vecia:1
     Che mondo bruto!
     Che tempi oribili
     4Xe mai sti qua!
                    Par impossibile:
                         S'à cambià tuto
                         In te 'sti strepiti
                         8Tuto à cambià!

Dise 'na zovene:
     Tempi beati!
     Mi tuta in gringola2
     12Me sento andar
                    Se vive in estasi
                         Che se par mati;
                         Qua de continuo
                         16Se pol amar.

La vecia brontola:
     Bógia de un fredo!
     Me sento i brividi
     20Per i ossi andar,
                    Presto in malorsega3
                         Andar me vedo,
                         Presto me imagino
                         24Dover crepar!

[p. 28 modifica]


Canta la picola:
     El moro mio4
     Coi oci luçidi
     28El m'à vardà;
                    Lu xe el mio idolo,
                         Lu xe 'l mio Dio;
                         Geri, basandome,
                         32El m'a strigà!...




  1. vecia = vecchia.
  2. in gringola = in allegria.
  3. in malorsega = alla malora, al diavolo.
  4. el moro mio = il mio amante.