Me lambico el cervello zorno, e notte
|
1789
|
|
Edission original: |
Giorgio Baffo, Raccolta universale delle opere di Giorgio Baffo veneto, Tomo I, Cosmopoli, 1789 |
|
Fonte: |
Indice:Raccolta universale delle opere di Giorgio Baffo 1.djvu |
| ← Perchè sò ve sarà d'aggradimento | Edission e fonte ▼ |
Me lambico el cervello zorno, e notte
Per far Sonetti grassi, e buttirosi,
Per divertir le Donne, e i so morosi,
4Ma mi fazzo i Sonetti, e i altri fotte.
Dei me versi i se val, delle mie botte,
E con queste i se fà più coraggiosi,
E, co le sente versi lussuriosi
8Ste Donne, le và zò, come marmotte.
Mì, se voi Donne, hò da pagar ruffiani,
E i altri se diverte alle mie spese,
11Che i me versi ghe serve da mezzani.
Delle Mone, che i fotte in sto paese,
Almanco come, che se dà ai Piovani,
14La Decima i me dasse, o 'l mio Quartese.