Madrigale per la venuta in Venezia di Sua Maestà Cesarea (1817)
|
Edission original: |
Collezione delle migliori opere scritte in dialetto veneziano, Volume undecimo: Poesie di autori diversi, a cura de Bartolommeo Gamba, Venezia, al negozio di libri all'Apollo, dalla Tipografia di Alvisopoli, 1817 |
|
Fonte: |
Indice:Collezione delle migliori opere scritte in dialetto veneziano 11.djvu |
| Edission e fonte ▼ |
O Venezia, garetolo d'Italia,
A razon ti è superba
Perchè in sen ti ti ga
Tre Altezze, ma reali,
5E un Imperial Maestà!
Xe vero che sti quatro
Del Loronese Austriaco ilustre sangue
I xe incogniti, e sconti
Col titolo de Conti,
10Ma sta Contea xe tanto trasparente
Che ognun vede 'l real, no l'aparente.
I viasa come 'l Sol
Da drio a una nuvoleta,
Ma come quelo sempre
15Se rileva al splendor,
Cussì questi se mostra al mondo e a nu
Co la gran dignità, co le virtù.
Li vedo a ochio neto,
E i capisso assae più co l'inteleto;
20E se beato son
A vederli soltanto,
Se podesse sentirli... oh Dio che incanto!
Alora, amigo mio, te lo protesto
Beatissimo sarìa più de Pio Sesto.