M'hà parso ben de far al mio servizio

Da Wikisource
EPUB   MOBI   PDF   RTF   TXT
Qualità del testo: sto testo el xe conpleto, ma el gà ancora da vegner rileto.
[p. 149 modifica]
SULLO STESSO SOGGETTO.


SONETTO


M'hà parso ben de far al mio servizio
    L'altro dì 'na fraterna correzion,
    Pregandolo a man zonte, e in zenocchion
    4A emendarse 'na volta, e far giudizio.

Fradel, mi ghe disea: sappi, che 'l vizio
    E snerva, e guasta la complession,
    Modera per pietà la to passion,
    8Ch'ogni stocco per tì xe un pregiudizio;

E in fatti me parea, che 'l dasse mente,
    Ma el Diavolo xe stà, che giusto in quello
    11Certa ragazza se m'hà fatto arrente;

E xe stà tanto pronto el trabuchello,
    Che semo a tombolon miseramente
    14Andai zò quanto mi, quanto l'Osello.

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=M%27hà_parso_ben_de_far_al_mio_servizio&oldid=45587"