Lontananza (Attilio Sarfatti)

Da Wikisource
Jump to navigation Jump to search

EPUB silk icon.svg EPUB  Mobi icon.svg MOBI  Pdf by mimooh.svg PDF  Farm-Fresh file extension rtf.png RTF  Text-txt.svg TXT
75%.svg
Qualità del testo: sto testo el xe conpleto, ma el gà ancora da vegner rileto.
XV. Lontananza
1892
←  XIV. El solitario de Nina Edission e fonte ▼ XVI. I re senza testa  →
[p. 186 modifica]
XV.


LONTANANZA


Son Todaro che brontola e se lagna
Come, co supia el vento, la montagna.
Come el çielo co' piove, o l'aqua al fogo,
Son Todaro che bogie e vol un sfogo.
Dimelo, Giulia mia, dimelo ti
6Se Todaro fa mal a far cussì.

El mio povaro cuor xe sotosora
Come l'onda del mar co gh'è la bora,
Come fra i venti abandonà un batelo
Va senza direzion el mio çervelo.
Giulieta mia, domandighe a l'amor
12Se ga torto o razon çervelo e cuor.

[p. 187 modifica]


So' un condanà che drio la ferïada
Vede la zente alegra per la strada.
E vive in pena, e dubita pianzendo
Del so tesoro che se sta godendo.
Giulieta mia, domandighe a chi sa
18Quanti tormenti prova un condanà.

Giulieta mia, vien qua, dimele ancora
Le parolete care che inamora.
Vien qua, basime, dime che son mato
A dubitar de ti come che ò fato.
Dime che xe per mi la to passion,
24E che ò pianto e penà senza razon.

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Lontananza_(Attilio_Sarfatti)&oldid=42411"