Le Muse si m'ha tolto à zudegar,
E vol che al mio despetto sia Poeta;
Dagandome una certa riegoleta, 4Che saverò, senza mai studiar.
Parnaso si m'ha dao puo da manzar
De le so herbe, in t'una fritoleta;
E Helicona m'ha messo una borseta, 8Per farme ogni grossezza evacuar.
Minerva al cao m'ha fatto un'onzion;
El Pegaseo si m'ha tolt'a redosso, 11E Apollo m'ha donao el so Liron.
Giunon m'ha dao el so rochetto in dosso,
E Mercurio el parlar de Ciceron; 14Grasso, ch'a puochi el ciel ghe cola adosso.
