Benedeto sia 'l zorno, e 'l mese, e l'anno
|
1557
|
|
Edission original: |
Andrea Calmo, Le bizzarre, faconde, et ingeniose rime pescatorie, Nelle quali si contengono Sonetti, Stanze, Capitoli, Madrigali, Epitafij, Disperate, e Canzoni. Et il Commento di due Sonetti del Petrarca, in antiqua materna lingua, In Vinegia, appresso Iseppo Foresto, 1557 |
|
Fonte: |
| ← Le Muse si m'ha tolto à zudegar | Edission e fonte ▼ | Zonto Alessandro a la famosa tomba → |
Benedeto sia 'l zorno, e 'l mese, e l'anno,
E le stason, el tempo, e l'hora el ponto,
E la contrà, el liogo, onde fu zonto
4Da quel bel viso, che me fa gran dano.
Sia benedeto el primo dolce affanno,
Ch'Amor m'ha dao quando son sta conzonto
E l'arco con le frezze, che m'ha ponto
8D'una piagha mortal, piena d'inganno.
Benedeta la boxe, el so parlar,
I passi, el sonno, i vecci, e la bellezza,
11I andamenti, el star, el caminar.
Sia benedetta quella so vaghezza,
El so vestir, col so pulio manzar
14De far la morte star in allegrezza.