La zornada del Canalazzo (avanti guerra)
(avanti guerra)
|
1917
|
|
Edission original: |
Umberto Foà, Nuove rime veneziane di guerra e di pace, Firenze, Libreria Internazionale, 1917 |
|
Fonte: |
| ← Venezia al scuro | Edission e fonte ▼ | L'altra riva → |
(AVANTI GUERRA)
Co' me svegio la matina
prima assae che sponta el di',
quando l'aria frescolina
4me la bevo tuta mi,
el Canàl xe ancora scuro,
mezo ancora indormenzà,
no se sente del sussuro
8gnanca al colmo de l'istà.
Ma a le quatro se scominzia
a vedérghe za un fiantin:
xe l'Aurora, sta gran squinzia,
12che se inçìpria col piumin.
Po man man che passa un'ora,
più quel bianco vien rosà
l'é un momento che inamora
16anca l'ocio più avezzà.
La Salute, i gran palazzi,
eco ga riflessi d'oro:
tuti i marmi par arazzi,
20de campane se alza un coro!
Xe el Canàl, sta verde strada,
che a la fin s'à desmissià,
che scomìnzia la zornada
24più splendente de l'istà.
Passa barche co corbati1
de bela ùa,2 de pomidoro
o de pesse, de bisati3
28che a Rialto va a far oro.
(pescaòr de Pelestrina
o de Cioza o de Buran
che San Marco ancora inchina
32col capélo in te le man!)
Su le çinque (za el tragheto
ga tremà dal gran scossòn)
eco el primo vaporeto
36che va verso la Stazion.
Quà 'na gondola che porta
un foresto imatonìo,
eco un sàndolo che svorta
40svelto svelto dentro un rio.
E per tuta la matina
mai se ferma el movimento:
eco qua de la Marina
44lancie svelte come el vento.
Su le rive l'acqua sbate
al passàr dei vaporeti,
bàla sàndoli e peàte:
48maremòto nei tragheti!
L'é el momento proprio bon,
el più vivo che ghe sia,
per San Marco pel Carbon
52l'Acadèmia, Ferovia!
Smonta inveçe a Valarèsso
i foresti, e el barcariol
ghe domanda in ton dimesso
56se i comanda la gondiòl.
A le dódese riposa
el Canàl un pochetin
e ne l'aria calda e afosa
60anca lu dorme un fiantin.
Su le do4 sta zente torna
ai so afari inmusonai,
per salvar solo la forma
64el cafè li tien svegiai.
Ma le çinque, eco, xe quà!
Una gondola, po do,
quatro, çinque, che le va
68lente, lente, suso e zo.
Semo al fresco:5 do sposeti,
co nei oci tanto amor,
man in man, e brazzi streti,
72par che i mora de languor.
El sol po che xe comosso,
perchè presto el va in cassòn,6
el pitura tuto in rosso
76coi colori del Giorgiòn.
La Salute, sola in fondo,
par che brusa in un bengala....
Oh! no gh'è gnente a sto mondo
80sto spetacolo che vala!
E.... co xe calà la note
tuto tase e un vel d'arzento
se distende a màgie rote
84sul Canàl come un portento.
Ne la barca coi balòni
canta un strazzo7 de tenòr,
poca vose e scarsi soni :
88"O bell'astro incantator!"
Mi go visto Margelina
Portofino, Bordighera,
su ogni spiagia e ogni marina
92el Canàl porta bandiera!
El xe un sogno sospiroso
che faria tènero un sasso
(figureve po un bel toso
96co la sposa streta al brasso!)
Ma xe tardi. El campanon
ga sonà dòdese bote....
Se va in leto.... Xe paron
100el mussàto8 o el baso.... Note!
- Note a cura de l'autor
- ↑ Ceste.
- ↑ Uva.
- ↑ Anguille.
- ↑ Due ore del pomeriggio.
- ↑ Si chiama «fresco» a Venezia l'unione delle gondole che vanno avanti e indietro come le carrozze al corso. Per lo più ha luogo al tramonto sul Canalgrande.
- ↑ Tramonta — Andar in casson, frase veneziana che significa metter fuori uso.
- ↑ Straccio, vale: «tenore di poca voce.»
- ↑ Zanzara.