Pagina:Nuove rime veneziane di guerra e di pace.djvu/23

Da Wikisource
Sta pagina la xe stà trascrita e rileta.


Su le çinque (za el tragheto
ga tremà dal gran scossòn)
eco el primo vaporeto
36che va verso la Stazion.

Quà 'na gondola che porta
un foresto imatonìo,
eco un sàndolo che svorta
40svelto svelto dentro un rio.

E per tuta la matina
mai se ferma el movimento:
eco qua de la Marina
44lancie svelte come el vento.

Su le rive l'acqua sbate
al passàr dei vaporeti,
bàla sàndoli e peàte:
48maremòto nei tragheti!

L'é el momento proprio bon,
el più vivo che ghe sia,
per San Marco pel Carbon
52l'Acadèmia, Ferovia!

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Pagina:Nuove_rime_veneziane_di_guerra_e_di_pace.djvu/23&oldid=63636"