LA ZORNADA DEL CANALAZZO
(AVANTI GUERRA)
(AVANTI GUERRA)
Alla Signora Rita Errera Bianchini.
Co' me svegio la matina
prima assae che sponta el di',
quando l'aria frescolina
4me la bevo tuta mi,
el Canàl xe ancora scuro,
mezo ancora indormenzà,
no se sente del sussuro
8gnanca al colmo de l'istà.
Ma a le quatro se scominzia
a vedérghe za un fiantin:
xe l'Aurora, sta gran squinzia,
12che se inçìpria col piumin.
Po man man che passa un'ora,
più quel bianco vien rosà
l'é un momento che inamora
16anca l'ocio più avezzà.
