L'altra riva

Da Wikisource
Jump to navigation Jump to search

EPUB silk icon.svg EPUB  Mobi icon.svg MOBI  Pdf by mimooh.svg PDF  Farm-Fresh file extension rtf.png RTF  Text-txt.svg TXT
100 percent.svg
Qualità del testo: sto testo el xe stà trascrito e rileto.
[p. 23 modifica]
L'ALTRA RIVA

Al Conte Piero Foscari.


Da la riva dei Schiavoni
eco penso a l'altra riva
che Venezia ai tempi boni
4oto sècoli tegniva.

Per le còste de Dalmazia,1
da San Piero de Castelo,
parte per divina grazia
8Piero Orséolo forte e belo.

El xe el dì nove de Magio,
el xe el dì de l'Ascenzion
no ghe manca nè el coragio,
12nè el talento per l'azion!

Le gran navi e le galère
ga i stendardi rossi al vento,
monta el Dose, done fiere
16lo incoragia al gran çimento.

[p. 24 modifica]


L'à tocà de l'Istria i porti,
de Venezia vecia amiga,
e in Dalmazia senza morti,
20senza gnanca far fadìga,

la romana zente usa
a sevizie, a la passion,
l'à volùdo de Ragusa,
24Zara, Spálato paron.

I Croati e i Narentani
al vedèr quele galère
(i antenati de sti cani!)
28s'à dà vinti a mière a mière.

Xe tornà el Dose a Rialto,
nel tripudio popolar,
co un anèlo de oro e smalto
32l'à volùo sposar el mar!

Da quel zorno l'altra riva
la xe stada veneziana
oto secoli e partiva
36la gran forza popolana

[p. 25 modifica]


per ciapàrla un'altra volta
se i Croati o i Turchi cani
la assaltava.... Ora la scolta
40la virtù dei Italiani.

Da çento ani, mal ridota,
l'è a l'Austriaco bogia in man,
ma xe vivo per la Iota
44el ricordo venezian.

Tropo tempo la xe stada
schiava. El tempo xe vegnù!
Ghe daremo una peàda....
48Via de là, la toca a nù!



Note a cura de l'autor
  1. La conquista della Dalmazia compiuta da Orséolo II nell'anno 1000.