La primavera (Alvise Cicogna)

Da Wikisource
Jump to navigation Jump to search

EPUB silk icon.svg EPUB  Mobi icon.svg MOBI  Pdf by mimooh.svg PDF  Farm-Fresh file extension rtf.png RTF  Text-txt.svg TXT
75%.svg
Qualità del testo: sto testo el xe conpleto, ma el gà ancora da vegner rileto.
La primavera
Anacreontica
musicà da Reynaldo Hahn (1901)
XIX secolo
Edission e fonte ▼
[p. 445 modifica]
LA PRIMAVERA.


ANACREONTICA.


Giacinti, e violete
     Fa in tera baossete:
     Che gusto! che giubilo!
     4L'inverno è scampà.
La neve è svania,
     La brina è finia,
     Xe tepida l'aria,
     8El sol chiapa fìa.
Sgualdina, Anzoleto,
     Col so cesteleto,
     Salata, e radichio
     12I va a sgarugiar.
Vardè la sisila,
     La canta, la trila;
     El nio la se fabrica,
     16Tornada dal mar.

[p. 446 modifica]

Le piegore salta,
     S'ingropa, e rebalta...
     Che stala?... sì al pascolo
     20Co tuti i bebè:
Le guida Tognoto,
     Sonando el subioto;
     No ocore più l'elera:
     24Erbeta ghe n'è.
Amici! fè ciera
     Xe qua primavera:
     Me 'l dise quel nuvolo...
     28Sentì!... sentì el ton!
Ohimè! che sta idea
     El cuor me ricrea,
     E tuto desmentego
     32Quel fredo baron.
Ancora un meseto,
     E 'l russignoleto
     Col canto ne sgiozzola
     36Su l'anima el miel.
Stagion deliziosa!
     Ti vien co la rosa,
     Ti parti col giglio,
     40Fior degno del ciel.

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=La_primavera_(Alvise_Cicogna)&oldid=42255"