Pagina:Raccolta di poesie in dialetto veneziano 1845.djvu/453

Da Wikisource
Jump to navigation Jump to search
75%.svg
Sta pagina la xe stà trascrita, ma la gà ancora da vegner rileta.


     L'arme inique a doparar:
     La giustizia, tuta fufa,
     A veder tanti pecai,
     La s'è andada a soterar,
5Questi, e mile, che 'l ribrezzo
     Me tratien de far parola,
     I xe i fruti del metal,
     Che mi vardo co disprezzo,
     Benchè a tuti el fazza gola,
     Come balsemo vital.
6Ma, me pento; cossa digo?
     No 'l credè, no è minga l'oro
     Dei disordini rason:
     L'è dei boni bon amigo,
     L'è el più nobile laoro,
     Che natura fa in scondon;
7Che se contro ogni dirito
     A eseguir cosse mostruose
     El se lassa doparar:
     No per questo contradito
     L'à a chi in opere pietose
     L'à volesto consumar.
8Per mandarghe a le contrade
     Tuto quelo, che ghe manca,
     Qua el tragheta l'alto mar:
     Là minuto per le strade
     El va in ziro a drita, e a zanca
     L'industrioso a compensar.
9Qua el s'inalza in monumenti
     De real munificenza
     Ogni infermo a medicar:
     Dai pericoli, e dai stenti
     La miseria, e l'inocenza
     Là l'è pronto a rancurar;
10E foresta, vale, e monte,
     Campo, pra, fiume, colina
     Conta assae sul so favor.
     L'oro l'è el camaleonte,
     Che dai corpi che 'l vicina,
     Perde, acquista, mua color.

PENSIERETO.


L'ombre se rampega
     Su per el monte:
     Fronte - ma debole
     4El sol ghe fa.
Le avanza, e rapide:
     Lu se ritira;
     E el mira - languido
     8Chi l'a scazzà.
Guera periodica:
     Doman bon ora,
     Fora - le tenebre,
     12El regna lu.
Secoli, e secoli
     Cussì rovina;
     Regina - imobile
     16Resta virtù.


LA PRIMAVERA.


ANACREONTICA.


Giacinti, e violete
     Fa in tera baossete:
     Che gusto! che giubilo!
     4L'inverno è scampà.
La neve è svania,
     La brina è finia,
     Xe tepida l'aria,
     8El sol chiapa fìa.
Sgualdina, Anzoleto,
     Col so cesteleto,
     Salata, e radichio
     12I va a sgarugiar.
Vardè la sisila,
     La canta, la trila;
     El nio la se fabrica,
     16Tornada dal mar.

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Pagina:Raccolta_di_poesie_in_dialetto_veneziano_1845.djvu/453&oldid=61413"