Cossa che xe l'invidia
|
Edission original: | |
|
Fonte: |
Indice:Luigi Cappello - Dai rovinassi del campanil, 1905.pdf |
| ← La notte dei Morti | Edission e fonte ▼ | Povareti i.... povareti! → |
Cossa che xe l'invidia
Èssar Vorave mi el to calegher
col vien a misurarte un stivalin,
che, co la scusa bela del mestier
te farave carezze sul penin.
La to sartora invidio a no poder,
come ela fa, col busto o el corpetin
strènzarte i fianchi co mio gran piacer.
Ma più che del seguace de Crespin
o de la to sartora massagnada
invidiar el mestier, co ti è malada
èssar vorave 'l medico o 'l dotor,
che, co la scusa de sentir se 'l cuor
o se i polmoni te funziona ben,
me pusaria col viso sul to sen.