La magna
|
Edission original: |
Attilio Turco, Sonetti Veronesi, Verona, Tipografia Operaia, 1924 |
|
Fonte: |
| ← Parte II - Me morosa | Edission e fonte ▼ | La bicicleta → |
LA MAGNA...
La me morosa, tuti i la conosse,
L'è bela che la par ’na madonina;
La g’à do’ ganassete1 bianche e rosse,
Sensa sbeleto2 e senza l'anelina;
La g’à davanti un par de bocie grosse
Che le ghe bala, quando la camina,
E, se la tira un colpetin de tosse,
El par che se ghe s-ciopa la buslina!
E l’ altretanto bona, quanto bela,
La sgoba note e giorno e giorno e note,
Par farse su ’na fregola de dote...
Insomma l’è ’na perla de putela;
E no’ me ris-cio3 a farla me’ compagna,
Volìo saver, parchè?... parchè... la magna!
- Note