La bicicleta

Da Wikisource
Salta a ła navigasion Salta a ła riserca
EPUB   MOBI   PDF   RTF   TXT
Qualità del testo: sto testo el xe conpleto, ma el gà ancora da vegner rileto.

 Edission original:   

Attilio TurcoSonetti Veronesi, Verona, Tipografia Operaia, 1924

 Fonte:

Indice:Attilio Turco - Sonetti Veronesi.djvu

←  La magna Edission e fonte ▼ La moda  →
[p. 32 modifica]
LA BICICLETA...


Me morosa, ’sta cagna maningreta,
     No’ la stà ferma, gnanca se la ligo!
     L’è come un bissinel, una sangueta,
     ’Na roba che de pèso no’ ve digo!

Tuto ’l giorno la salta e la ropèta,
     Ogni tanto la sbrissia1 e la tra’ un zigo
     E l’à immparado a ’ndar in bicicleta...
     Ma mi de quel afar no’ me ne intrigo!

So che la core via come un spiansiso2
     E guai, se qualchedun no ghe dà strada!
     Jeri, su la Levà del Paradiso,3

A ’n'alpin la g’à dà ’na sburtonada:4
     Un bruto rebalton s’à visto alora,
     La bicicleta... la gh’è andà in malora!



Note
  1. sbrissia - scivola;
  2. spiansiso - lampo;
  3. Levà del Paradiso - contrada in Veronetta ora Via Gaetano Trezza;
  4. sburtonada - forte urto.
Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=La_bicicleta&oldid=71404"