La golosa

by Berto Barbarani

4 La golosa I sogni Libro III.° — IN CITÀ E IN CAMPAGNA Giardin del Giusti Le vosse de la corte Berto Barbarani 1922 XX Poesie veronese

Indice:I sogni.djvu

Berto Barbarani ―  I sogni  ―  Libro III.° — IN CITÀ E IN CAMPAGNA

La golosa

1922

Edission original:	Berto Barbarani, I sogni, 3° Canzoniere, Verona, Mondadori, 1922
Fonte:	Indice:I sogni.djvu

←  Giardin del Giusti

Edission e fonte ▼

Le vosse de la corte  →

NOTA

Sottoriva, è una antica contrada a portici, che dà sull'Adige, dove era una magnifica accolta (vedi sonetti de l'«Aqua grossa») di molini natanti all'ombra di S. Anastasia, e sbocca sull'alto nella Pescheria Nuova. — Un tempo sull'angolo di detta Pescheria esisteva da moltissimi anni un caratteristico banchetto di frutta e dolciumi «da la vecia Naida».

LA GOLOSA

La vien su da Sotoriva
co le man ne la traversa,¹
co la sbèssola² roversa
4e 'na voia sul copin...

La vol farghe da cativa
scantonando le parole,
ma la magna le mïole³
8che le sà da brustolin...

Se una sposa ghe dimanda:
«moretina cosa g'ala?»
la fa un sesto co la spala
12come a dir: «quel che vôi mi».

La sta dura, drita, granda,
no se sà cosa la g'abia...
ma la sbocia da la rabia
16come un bòcolo patì...

Da la «Naida» in Pescarla
gh'è ogni sorta de caprissi:
regolissia, peri missi,
20legno dolçe, el sucarin...

La fa finta de andar via,
ma la tasta un fià de tuto,
de ogni pasta, de ogni fruto;
24la svalisa el boteghin!

Da un introl⁴ de la contrada
sponta su «Suca, baruca»...⁵
La fa i denti, la li struca,
28che la move el sgrisolin...

La vol farghe da rabiada,
la se spiega solo a moti,
ma la compra i pomi coti
32e la suca col brusin...⁶

Bruta çena a Sotoriva,
quando a tola⁷ la se senta:
no ghe incontra la polenta,
36ghe fa stòmego⁸ el brodin...

La spua verde, la saliva,
la g'à in moto el mal de pansa,
la speluca⁹ 'na naransa,
40la vol morto anca el lumin...

«Mama aiuto! — Dio, che gropo
me fa i vermi ne la gola!
Gh'è du diavoli che sgola
44sora i feri del letin...»

E la mama el giorno dopo
«No lo vôi, che no lo voio!»
co una chìcara de oio
48la ghe liquida el morbin!

---

Note a cura de l'autor

1. traversa: grembiale
2. sbèssola: mento pronunciato in fuori
3. mïole: semi di zucca abbrustoliti
4. introl: vicolo
5. suca, baruca: la zucca marina, cotta al forno e gridata così dai venditori ambulanti di frutta cotte
6. brusin: bruciaticcio
7. tola: tavola
8. ghe fa stòmego: le fa nausea
9. la speluca: pilucca