La crose del coléra
|
Edission original: |
Anonimo, Marco e Tòdaro, versi in vernacolo venezian de un mestro de Canaregio, Venezia, tipografia antica ditta Cordela, 1886 |
|
Fonte: |
| ← XVIII. El gobo de Rialto | Edission e fonte ▼ | XX. La suplica de Purichinela → |
LA CROSE DEL COLÉRA
Esser qua co' sto bel ospite
Che ne impesta campi e case,
Co un nemìgo che dei medici
Se ne impipa e fa e tase,
5E a capriccio, senza regola,
Segna, copa e porta via:
Oh che Crose, mama mia!
Vedar gropi de famegie
Scampar via col mal de panza:
10Boteghieri squasi in ozio,
Barcarioi che fa vacanza:
Un silenzio, una miseria,
Che ve fa malinconia;
Oh che crose, mama mia!
15Aver sempre ne le rechie
Comitati su le mosse;
Sozietà private e publiche,
Crose verde, crose rosse,
Crose in vista a tanti medici
20Che à studià la malatia;
Quante crose, mama mia!
E, per zonta a sti spetacoli,
Sechie ai pozzi coi piantoni:
E spazzini che ve semena
25I profumi sui cantoni:
E una piova de specifici
Tuti el megio che ghe sia:
Che scravazzo, mama mia!
Giornalisti che ve predica
30De quel mal matina e sera;
Diletanti che la critica
Fa a le liste del coléra,
E a la borsa del so prossimo,
Su le oferte, fa la spia;
35O che crose, mama mia!
E pazienza ste miserie!
Ma una coa pezo de questa
In scondon ghe mete el diavolo
Che riesse più funesta.
40Ah, sta zonta più teribile,
Ah, sta crose soto via,
Che tormento, mama mia!
Sì, purtropo, a certi indizii
Se lo vede, se lo intende;
45Co sti brodi, co ste tessere.1
Qualcoss'altro se pretende...!
Sì, buon cuor, ma co' la maschera:
Carità, ma travestia;
Oh! che crose, mama mia!
50Mi per mi, se co sti fremiti
Co ste smanie, co sto zelo,
Se intendesse dai filantropi
Far la simia del Vangelo,
E far guera a Cristo e a l'anime
55Co sta fina ipocrisia,
Cigo: «In guardia, anima mia!»
«I to conti meti in ordine,
Sta col Papa, sta col prete:
A un bisogno chiama el medico,
60Senza perder la to quiete.
Ma del resto del zogatolo
Che i sol dir filantropia
No fidarte, anema miai
«Va piutosto in Chiesa o in camera,
65Va davanti alla Madona,
A sta Madre potentissima
Tanto granda e tanto bona;
E là dighe: «Dal pericolo
De ste crose sotovia
70Libereme, Mama mia!»
- Note
- ↑ [p. 189]brodi.... tessere — Sono le distribuzioni più meno gratuite, con marca o senza, che in più parti della città si fecero ai poveri da parte di qualche Società o Comitato. Non occorrerebbe dirlo, ma per maggior evidenza giova dichiarare, che non s'intende qui alludere a nessuno di quei benemeriti, che per vero e semplice impulso di umanità si prestarono a raccogliere distribuire soccorsi: sibbene a quelli che della carità si fossero valsi, come di pretesto o strumento, a fini per avventura partigiani o anticristiani.