La cavalcata

Da Wikisource
Jump to navigation Jump to search

EPUB silk icon.svg EPUB  Mobi icon.svg MOBI  Pdf by mimooh.svg PDF  Farm-Fresh file extension rtf.png RTF  Text-txt.svg TXT
75%.svg
Qualità del testo: sto testo el xe conpleto, ma el gà ancora da vegner rileto.
La cavalcata
1857-58
←  El navigante Edission e fonte ▼ Un desiderio  →


[p. 100 modifica]
LA CAVALCATA.


Fra Paolo e fra Giocondo,
     Do omeni de mondo,
     Do frati capucini,
     Che ligi al so istituto
     5I viagiava a penini
     Dapertuto,
     Tornando da una gita
     A Teracina
     Co la so capucina,
     10E co la vita,
     Arivai su la sponda d'un russelo,
     Che s'aveva ingrossà da un gran scravazzo,
     Nè essendoghe batelo
     I gera al punto de passarlo a sguazzo.
15A uno de sti ingrati lasagnoni,
     Dei quali su la tera

[p. 101 modifica]

     Ghe n'è adesso dei miera
     De milioni,
     Che a caso s'à trovà
     20Poco distante,
     Vestio tanto galante
     E tanto profumà,
     Come se giusto alora
     Da una scatola el fusse vegnù fora,
     25Lasagna de mistier,
     Ghe nasce el bel pensier
     Per far bordelo
     Su la sponda de andar de quel russelo,
     E de dirghe a quei padri benedeti:
     30— Za che le ze direti
     A passar l'aqua per andar de là,
     E che de là anca mi vorave andar,
     Le prego de lassar
     Per carità,
     35Postochè no se trova barca pronta,
     Su la schena a un de ele che ghe monta.
Alora fra Giocondo
     Co gran tranquilità da furbo vero
     Fingendose più tondo
     40De fra Piero,
     El ghe dise — se star la sà a cavalo
     La monta pur su mi,
     Che l'assicuro un pi
     No meto in falo.—

[p. 102 modifica]

45Risponde quel bufon:
     — Per dir la verità
     Sul cavalo no son
     Tanto amaestrà,
     Ma su l'aseno, padre benedeto,
     50So a cavalcar proveto —
     E fra Giocondo — dunque la me monta,
     Che la schena ze pronta. —
El ze za a cavatoto,
     El va de troto,
     55Ma in mezzo del russelo
     Se ferma sul più belo
     Disendoghe — la diga
     De grazia cara ela
     Avanti che finissa la fadiga,
     60Gala soldi in scarsela? —
El gonzo che s'aveva imaginà,
     Che per esser pagà
     Fra Giocondo facesse sta domanda,
     El ghe risponde imbota
     65— Quanti che la comanda
     Se la trota —
     Misericordia! alora el capucin
     l'esclama — mi meschin,
     Per la mia religion
     70Portar no posso
     Senza aver permission
     Danari adosso; —

[p. 103 modifica]

Nè apena ste parole à pronunzià,
     Che in pratica metendo el so progeto
     75L'amigo in mezzo l'aqua à calumà,
     E col padre compagno à tirà dreto;
     Quando po che l'è stà
     Da la banda de là,
     Tolendolo perman
     80Ga dito — cortesan,
     La se vada a sugar,
     E i aseni la impara a cavalcar. —


Per castigar i arditi
     Adesso ocoraria che fra Giocondo
     85Ghe fusse in tuti i siti
     De sto mondo.

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=La_cavalcata&oldid=39321"