La canzon del congedà

EPUB

MOBI

PDF

RTF

TXT

Qualità del testo: sto testo el xe conpleto, ma el gà ancora da vegner rileto.

Carlo Rumor ― Chi le conta xe qua

La canzon del congedà

1904

Edission original:	Carlo Rumor, Chi le conta xe qua, Venezia, Scarabellin, 1904
Fonte:	Indice:Rumor - Chi le conta xe qua, Venezia, Scarabellin, 1904.pdf

← I colombi del Comun

Edission e fonte ▼

La crítica →

[p. 31 modifica]

La canzon del congedà.

Go messo zo la tunica e la spada,
la bela vita ormai xe terminada,
no gh'è per mi più pase nè alegria:
no posso vèder più la bionda mia.

Pensando a ti, mia cara, in un momento
svolar vorìa da novo al regimento,
voria incontrarte e po' tornarte a dir
ch'el to profumo me façèa morir;

voria trovarte e no lassarte mai,
voria basarte come i dì passai,
viçin de ti passar la vita tuta,
o nobile e graziosa.... pasta suta.