La crítica
|
Edission original: |
Carlo Rumor, Chi le conta xe qua, Venezia, Scarabellin, 1904 |
|
Fonte: |
Indice:Rumor - Chi le conta xe qua, Venezia, Scarabellin, 1904.pdf |
| ← La canzon del congedà | Edission e fonte ▼ | La Musa ze straca → |
In un zorno de gran caldo
sior Garàtolo Francesco,
fin al Lido, porta al fresco
soto al brazzo so muger
e vedendo un so colega
a passar co la so sposa,
elegante e vanitosa,
co un capoto de astracan,
«Ciò, compare», el ghe domanda,
» come mai co sto siroco
» to muger no s'ha da un toco
» messo l'abito d'istà?»
La domanda de Françesco,
senza un fià de convenienza,
ga riscosso in conseguenza
la risposta che xe qua:
— No permeto che lezieri
— sia i costumi de la dona,
— e me par che ti, da mona,
— ti te fassi infenociar. —
Risposta simile
se deve dar
a chi ga 'l vizio
de criticar.