La Ritrosia (1817)
|
Edission original: |
Collezione delle migliori opere scritte in dialetto veneziano, Volume duodecimo: Poesie di autori diversi, a cura de Bartolommeo Gamba, Venezia, al negozio di libri all'Apollo, dalla Tipografia di Alvisopoli, 1817 |
|
Fonte: |
Indice:Collezione delle migliori opere scritte in dialetto veneziano 12.djvu |
| Edission e fonte ▼ |
Voleu saver perchè, Cate careta,
Tanto me de' in tel genio, e me piasè?
Oh ve lo dirò mi, se nol savè;
4Sol perchè savè far la ritroseta.
Quel mostrarve modesta e sdegnoseta,
Quel sprezzar quel che forse più bramè,
Quel saver dir: Sfazzà, no me tochè,
8Cosse tute le xe che assae me aleta.
Se una Puta venzar vol qualche cosa
Sora un bon Zovenoto inamorà,
11No ghe xe megio che far la ritrosa;
Ma quando po che a sguazzo la se trà,
Nè sa, nè la vol far la vergognosa,
14Zo dei calcagni al moroso la va.
Questa xe verità:
La vostra mercanzìa no val un bezzo,
17Ma col negarla la fè star in prezzo.