La Morte
|
Edission original: |
Marco Pescante, Saggio di poesie veneziane, Venezia, dalla tipografia di Luigi Plet, 1835 |
|
Fonte: |
| ← XII. La Beleza | Edission e fonte ▼ | XIV. La più bela Dôna de Treviso → |
Mia bela Nineta,
Epur l'è un gran dir,
Che tardi, o a bonora
4Bisogna morir!
E qua no gh'è frotole,
La xe verità...
Ma come saràla
8Po al mondo de là?
Perchè, se credèmo,
Ch'esista sto Dio,
No xe co la morte
12Gnancora fenio;
E un premio, o una pena,
Che dura in eterno
Secondo i so meriti
16Se ga in sempiterno —
Chè se la xe imagine
D'un Ente divin....
Ah! nò, la nostr'anima
20No deve aver fin —
Ma come saràla,
Mia bela Nineta?...
Ah! nu la passemo
24Sicuro assae streta!
El nostro Vangelo
Ne vole assai casti,
Nol vole imbriaghezzi,
28Nol vole contrasti...
Ah! se la marchiemo
Cussì de sto troto,
Mo dove ne aspeteli,
32De sora, o de soto?
Ti po ti vol dire,
(Te lezo nel viso)
Che se staria megio
36Lassù in paradiso;
O che doveressimo
Almanco cercar
Là zò in purgatorio
40Soltanto d'andar.
Ma più che ghe penso
No gh'è via de mezo;
Nu semo do mati,
44Che merita pezo.
L'inferno xe poco,
Nineta, per nu;
Saria poco ancora
48Do inferni de più.
Nò, nò, femo femo
Giudizio una volta,
Se no i ne prepara
52'Na gran ziravolta.
Gran dir, che in eterno
Se gabia a durar,
E a goder per sempre,
56O sempre a penar!
Lo so, che se interogo
Spinòsa e Russò
Riguardo a sto sempre
60I buta al de nò.
D'altronde m'acerta
La sacra Scritura
Che tuto no termina
64Per nu in sepoltura:
E questa... oh parola
La xe benedeta,
E crederghe a questa
68La xe la più dreta.
La xe la più cònsona
Al senso comun,
E chi no ghe crede
72No crede a gnissun.
A monte, Nineta,
Le frotole e 'l vizio;
Pensemo de fare
76Un fià de giudizio;
Chè quando la Morte
Farà la bravazza
Saremo nel caso
80De riderghe in fazza.
- Note a cura de l'autor
- ↑ Canzonetta scritta a richiesta d'un Libertino convertito.