La Beleza
|
Edission original: |
Marco Pescante, Saggio di poesie veneziane, Venezia, dalla tipografia di Luigi Plet, 1835 |
|
Fonte: |
| ← XI. La Dôna | Edission e fonte ▼ | XIII. La Morte → |
XII.
Belezza! oh amabile
Ragio del cielo!
Zogia inefabile
De questo e quelo,
5Ti ti xe l'unica
Che su la tera
Ne fa resistare
Co verta ciera
Fra tanti spasimi,
10Fra tanti palpiti
Che sorte barbara
Ne porta al cuor.
Per ti se suscita
El bon umor;
15Se se desmentega
Ogni dolor;
Ti ne fa vivere
De tuto amor;
Ti ne fa ridere,
20Ti ne fa pianzare,
Ti ne fa godare
Fin che se muor.
Nò! no pol esserghe
Nel mondo un solo
25Nè tanto stupido,
Nè tanto molo,
Che dei to meriti
No se inamora,
Che no te celebra,
30Che no te onora
Belezza amabile,
Beltà adorabile,
Che ne le Femene
Da capo a piè
35Ti mostri ai omeni
Che ti ti xe
Quel bel miracolo,
Quel no so che,
Quel'incantesimo,
40Quel degazè,
Che tanto stuzega,
Che sempre bisega
Nel cuor del povero,
Nel cuor del re.
45Lo so che in colera
Nel Canto scorso
Contro le Femene
Go alzà un discorso
Tropo da cinico,
50Ma go un rimorso...
Oh ciel! me penitet,
Dame socorso...
Su inconsolabile
Per quela satira,
55Che in fazza al publico
Go cantuzzà;
Ma so benissimo
Che go falà;
Dir mal del merito
60L'è un gran pecà!...
Ah ciel! perdoname
Per carità...
Mi sempre in seguito
Sarò più docile
65Se son stà un perfido
Per el passà.
Confesso in publico
La colpa, o Pute;
Me pento, e suplico
70Perdon da tute.
Causa benefica
L'è stà una Dona...
Ma come amabile!
Ma come bona!
75Che coi so meriti,
Cole so grazie
M'à fato subito
Cambiar pensier.
Per ela in seguito
80Starò al dover.
Per ela spasemo
D'amor senzier.
Per ela al popolo
Farò saver,
85Che mi considero
Nel sesso tenero
Quei più bei numeri,
Che se può aver.
Ma che bel babio!
90Mo che grazieta!
Bisogna vèderla
La mia Nineta;
La xe una vergine
Tut'amorosa,
95La xe un garofolo,
La xe una rosa,
No ghe xe Venere,
No gh'è Penelope
Nè più amirabile,
100Nè più gentil.
Ghe modi nobili!
Che brio! che stil!
L'è proprio un ragio,
L'è un fior d'april.
105Co avesse a perderla
Disème un vil
Se capitombolo
No me precipito
Zò dela cupola
110D'un campanil.
Bisogna vèderla
Vestia da festa
Tirada in chicara,
Coi fiori in testa,
115Co quel bel abito,
Co quel bel viso
La pare un anzolo
Del paradiso.
La xe una cocola,
120La xe una bocola,
Che manda in estasi,
Che fa incantar.
L'omo più burbero
La fa cascar.
125La più gran colera
La sa placar.
Debiti e crediti
La fa scordar.
Beltà più amabile,
130Più incomparabile
No se pol vèdere,
No se pol dar. —