Pagina:Saggio di poesie veneziane.djvu/61

Da Wikisource
Sta pagina la xe stà trascrita, ma la gà ancora da vegner rileta.


Ma come saràla,
Mia bela Nineta?...
Ah! nu la passemo
24Sicuro assae streta!

El nostro Vangelo
Ne vole assai casti,
Nol vole imbriaghezzi,
28Nol vole contrasti...

Ah! se la marchiemo
Cussì de sto troto,
Mo dove ne aspeteli,
32De sora, o de soto?

Ti po ti vol dire,
(Te lezo nel viso)
Che se staria megio
36Lassù in paradiso;

O che doveressimo
Almanco cercar
Là zò in purgatorio
40Soltanto d'andar.

Ma più che ghe penso
No gh'è via de mezo;
Nu semo do mati,
44Che merita pezo.

L'inferno xe poco,
Nineta, per nu;
Saria poco ancora
48Do inferni de più.

Nò, nò, femo femo
Giudizio una volta,
Se no i ne prepara
52'Na gran ziravolta.

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Pagina:Saggio_di_poesie_veneziane.djvu/61&oldid=65036"