La Dichiarazione

by Maffio Venier

3 La Dichiarazione Maffio Venier XVI Soneti Indice:Poeti antichi del dialetto veneziano 2.djvu Altra edizion: Colonna mia, per do o tre volte sole (1993)

Maffio Venier

La Dichiarazione

XVI secolo

Edission original:	Poeti antichi del dialetto veneziano, Volume II: Poesie di Maffeo Veniero arcivescovo di Corfù e di altri, a cura de Bartolommeo Gamba, Venezia, al negozio di libri all'Apollo, dalla Tipografia di Alvisopoli, 1817
Fonte:	Indice:Poeti antichi del dialetto veneziano 2.djvu

Edission e fonte ▼

Altra edizion: Colonna mia, per do o tre volte sole (1993)

LA DICHIARAZIONE

Colona mia, per do' o tre volte sole
     Che l'altra sera m'avè tolto su
     Mi me son tanto inamorà de vu
     Che vago tuto in agua de viole;

E per no starve a far tante parole,
     Per no starve mo a dir, che un poco più
     Son squasi morto al gran martel ch'ò abù,
     Co' fa sti inamoraì che va in do' siole;

Se vù volè che sia vostro moroso,
     Son aponto per vu, son tuto gagio.
     Vu averè certo un zovene vistoso,

Un omo po', che quando vogio vagio,
     Un zovene a la fine vertudioso,
     E se vu nol credè, tiolème a tagio.