L'ultimo dì xe ancuò de Carneval
|
1789
|
|
Edission original: |
Giorgio Baffo, Raccolta universale delle opere di Giorgio Baffo veneto, Tomo II, Cosmopoli, 1789 |
|
Fonte: |
Indice:Raccolta universale delle opere di Giorgio Baffo 2.djvu |
| ← Cosa me fà da rider quando sento | Edission e fonte ▼ | Xe fenido Carneval → |
L'ultimo dì xe ancuò de Carneval,
E ste gran Buzarone gà fenìo
De tiorlo in tel davanti, e in tel dadrìo,
4De rovinar sta Zente, e farghe mal.
Se vedarà, chi in Piazza gà fallìo,
Chi è pien de' Bollettini all'Ospeal,
Chi hà rosegà dall'ulcere el Cotal,
8E coi corni in testa più d'un Marìo.
Dopo vien la Quaresema, e a Castello
Se vederà le gondole serrae,
11Che desmonta sul tardi a far bordello;
E quelle, che no è stà ben schiavazzae,
Le và a posta in quei siti a tior l'Osello
14Per mandar i Bastardi alla Pietae.