L'influenza
|
Edission original: | |
|
Fonte: |
Indice:Luigi Cappello - Dai rovinassi del campanil, 1905.pdf |
| ← Cuore | Edission e fonte ▼ | Per un baso → |
L'Influenza
Ma via, insensai, no avè ancora capio
che 'l mal più grando vien da la paura,
e quando 'l xe arivà farse el so nio
no pol restarlo gnanca la questura?
Fè come mi, vardè: quando 'l pìo-pìo
ve salta in corpo, abiè massima cura
de farghe far quatro passeti indrio
co tuta pressa e co disinvoltura.
Se pensa, par esempio, che 'l disnar
marenda e çena xe una penitenza;
che mentre tuto el zorno ste a sgobar
ghe xe chi no fa gnente e se la gode.
E po, dove trovar peso influenza....
de le scarsele quando le xe vode?