Cuore

by Luigi Cappello

3 Cuore Dai rovinassi del campanil A le tose par el bòcolo de San Marco L'influenza Luigi Cappello 1905 XX Soneti

Indice:Luigi Cappello - Dai rovinassi del campanil, 1905.pdf

Luigi Cappello ―  Dai rovinassi del campanil

Cuore

1905

Edission original:	Luigi Cappello, Dai rovinassi del campanil, 1905
Fonte:	Indice:Luigi Cappello - Dai rovinassi del campanil, 1905.pdf

←  A le tose par el bòcolo de San Marco

Edission e fonte ▼

L'influenza  →

Cuore ¹

Lo go leto anca mi 'l caro zogelo
     che da un cuor scaturio 'l ga nome cuor,
     e lo go leto tanto co un amor
     da no saver se 'l cuor sia questo o quelo.

Ogni riga, ogni frase el xe un penelo
     de verità scolpia da professor;
     in ogni racontin gh'è un tal color
     che solo el cuor sa dar e no 'l çervelo.

Geri de sera quando ghe n'ò leto
     vinti fassade a le mie tre putele,
     se credè in Dio, m'à fato un tal efeto

che no solo spuntar lagreme bele
     vedeva a lore tre de tanto in tanto;
     ma mi stesso, che son so pare, ò pianto.

---

Note

1. Libro di E. De Amicis.