L'incendio del convento dei Servi
|
Edission original: |
Guido A. Quarti, "Quattro secoli di vita veneziana nella storia nell’arte e nella poesia", Editore Enrico Gualdoni, 1941 |
|
Fonte: |
http://invenessian.blogspot.com/2010/05/angelo-maria-barbaro.html |
| Edission e fonte ▼ |
A Dorina
Quando ai Servi quel gran fogo ho sentìo,
son corso, anzi svolà rapidamente,
per salvar quela mia Dori inoçente,
4o a darsi uniti un tropo caldo adìo.
Vista la fiama, opur l’ira de Dio
che su le mani morte ancùo è patente,
ho subito çigà: fogo de l’ente
8fèrmete là, ah, no passar quel rio!
Ho çigà: ah, patron de l’Arsenal,
arsenaloti, frati, zafi, preti
11popolo, preservala da ogni mal!
Sguazzè, tagè, tirè zo muri e teti
fin fra Paulo butè anca in canal
14ma salvème Dorina e i mii soneti.