L'eco de Trento

Da Wikisource
EPUB   MOBI   PDF   RTF   TXT
Qualità del testo: sto testo el xe conpleto, ma el gà ancora da vegner rileto.
L'eco de Trento
1911

 Edission original:   

Giovanni CeriottoPoesie veronesi, Seconda edizione accresciuta, Verona, Remigio Cabianca editore, 1911

 Fonte:

Indice:Poesie veronesi (Giovanni Ceriotto).djvu

←  Le rime del fogolar Edission e fonte ▼ Vecio molin  →
[p. 79 modifica]
L'eco de Trento


     Ò visto 'na putela gardesana
sentada in riva al lago, e contro al vento
de sponda veronese e de bressiana,
volava 'na canson de malcontento.

     Quela canson che la parea lontana
parchè cantada soto vosse e a stento,
l'era de 'na putela forte e sana
sentada a Riva par cantarme Trento.

     In fianco el Baldo, come 'na gran tenda
impiantada sul campo de batalia,
che de sti canti el par che 'l se ne intenda.

     el g'à risposto: Come vela e remo
su la strada de Trento che no sbalia,
va la, putela, che se iutaremo!

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=L%27eco_de_Trento&oldid=52830"