L'ava

by Anton Maria Lamberti

3 L'ava Anton Maria Lamberti de Dimmi dimmi, apuzza nica, poesia de Giovanni Meli in lengua siciliana XVIII Canzonete Indice:Raccolta di poesie in dialetto veneziano 1845.djvu Altra edizion: L'Ape (1817)

Anton Maria Lamberti

L'ava

traduzion de Dimmi dimmi, apuzza nica, poesia de Giovanni Meli in lengua siciliana

XVIII secolo

Edission original:	Raccolta di poesie in dialetto veneziano d'ogni secolo nuovamente ordinata ed accresciuta, Volume unico, a cura de Bartolommeo Gamba, Venezia, G. Cecchini, 1845
Fonte:	Indice:Raccolta di poesie in dialetto veneziano 1845.djvu

Edission e fonte ▼

Altra edizion: L'Ape (1817)

L'AVA

TRADUZION DAL SICILIAN.

Dime, aveta bonoriva,
     Perchè avanzistu l'aurora?
     No gh'è ancora anima viva,
     4No rossizza i monti ancora;
Trema e luse in ogni parte
     Su l'erbete ancora intate
     La rosada: ah! no bagnarte
     8L'ale d'oro delicate;
Nei so verdi bocoleti,
     Streti suso e fati in massa,
     Sonachiosi xe i fioreti
     12Co la testa ancora bassa.
Mo via fermite, cativa,
     No stracar le alete ancora;
     Dime, aveta bonoriva,
     16Perchè avanzistu l'aurora?
Vustu miel? cerchistu questo?
     Sera l'ale e no stracarte,
     Mi te insegno un logo presto
     20Da chiuchiarlo e sbabazzarte.
La mia Nina a l'ochio belo
     Ti conosci, e a le fatezze;
     Svola al lavro; apunto in quelo
     24No ga fin gusti e dolcezze.
Sì, in quel lavro che un soriso,
     Un soriso adesso infiora,
     Ghe xe un miel de paradiso...
     28No ti chiuchi, aveta, ancora?