L'anema è un puro spirito, e mi'l credo
|
1789
|
|
Edission original: |
Giorgio Baffo, Raccolta universale delle opere di Giorgio Baffo veneto, Tomo IV, Cosmopoli, 1789 |
|
Fonte: |
Indice:Raccolta universale delle opere di Giorgio Baffo 4.djvu |
| ← L'anema umana, prima de vegnir | Edission e fonte ▼ | Mi credo, che sia stà la teologìa → |
L'anema è un puro spirito, e mi'l credo,
Ma no capisso, come da puttelo
Gnente la sappia, e come che bel belo
4Ella cressa col corpo a quel, che vedo.
L'anema no gà tatto, e mi'l concedo,
Ma come urtela i nervi del cervelo
Come me fala insin rizzar el pelo,
8Quando qualche desgrazia mi prevedo?
Ella xe indivisibile in effetto,
Ma quando sboro, come in quel solazzo
11Me par, che me ne vaga vìa un tocchetto?
Chi vuol pò la sìa in t'un deo, in t'un brazzo,
Chi in tel sangue, in la testa, e chi in tel petto;
14Oh quà mi digo, che la stà in tel Cazzo.
Una ricerca fazzo;
Quando, che'l Cazzo tira, ma da bon,
17Diseme; dove andà xe la rason?