L'abitudinario

Da Wikisource
Jump to navigation Jump to search

EPUB silk icon.svg EPUB  Mobi icon.svg MOBI  Pdf by mimooh.svg PDF  Farm-Fresh file extension rtf.png RTF  Text-txt.svg TXT
75%.svg
Qualità del testo: sto testo el xe conpleto, ma el gà ancora da vegner rileto.
L'abitudinario
1857-58
←  Fra Giocondo Edission e fonte ▼ I do stolidi  →


[p. 48 modifica]
L'ABITUDINARIO.


Sin da la prima età
     A Mario Paravento,
     Che ze po deventà
     Un omo de talento,
     5I soi, zente cristiana,
     Ghe fava dir la sera
     Prima de andar in nana
     Una preghiera
     De quele che se insegna
     10Ai fantolini
     Co no se vol che i vegna
     Berechini.
Mario, crescendo bon,
     Col crescer de l'età
     15L'à sempre recità
     La so orazion,

[p. 49 modifica]

     Come la ghe ze stada
     Da bambolo insegnada;
     De costumi distinti
     20L'à seguità de vinti,
     L'à seguità de trenta,
     E a crederlo se stenta,
     Tanto abitudinario
     Gera cressudo Mario.
     25Che morto de otant'ani
     Coi ossi mal coverti da la pele,
     Con tuti quei malani,
     Co tute le schinele
     Che nasce da l'età,
     30Ma pronto de inteleto,
     L'à sempre seguità
     Prima de andar in leto
     A recitar la sera
     La solita preghiera;
     35E faceva da rider a sentir
     Un vechio senza denti,
     Che gera là a mumenti
     Per morir,
     Ma col so bon criterio
     40A recitar sul serio
     In zenochion
     La seguente orazion:
Signor mio benedeto, che sè in Cielo,
     Ve prego fè che cressa un bon putelo,

[p. 50 modifica]

     45Che l'Anzolo custode sia co mi
     De note e anca de dì,
     Per tegnirme lontani
     Pericoli e malani;
     Feme, Signor, la grazia,
     50Che no sia malagrazia;
     Che a scuola staga quieto
     Come vol el prefeto,
     Che no spegazza el muro,
     Che no fassa sussuro,
     55Che tegna i libri neti,
     Che no fassa paneti;
     Che no me vegna l'estro
     De zogar, de saltar,
     Perchè no s'abia el mestro
     60Co mi da invelenar;
     A casa che sia bon,
     Che scriva le lizion
     Sina che l'ò finie;
     Che no peta busie,
     65Che in strada tira dreto,
     Che no pesta el sacheto,
     Che no ghe sia querele,
     Che no fassa el batochio,
     Aciochè no i me daga le sardele,
     70No i me meta in zenochio,
     E no me toca a star
     Senza marenda, opur senza disnar;

[p. 51 modifica]

Che sia savio, ubidiente,
     Che me conserva san,
     75Che viva veramente
     Da cristian,
     E se no, feme
     La grazia che domando,
     Signor co Vu toleme
     80Prima che vegna grando;
     Conservè mio sior pare,
     Conservè siora mare,
     Tuti de casa mia
     E se cussì ve piase e cussì sia.


85El pregar ze bon e belo,
     Fa in chi ascolta divozion,
     Ma sentir che da putelo
     Diga un vechio le orazion
     Per apunto come Mario,
     90Un efeto fa contrario.

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=L%27abitudinario&oldid=39284"