L'Adese

Da Wikisource
Jump to navigation Jump to search

EPUB silk icon.svg EPUB  Mobi icon.svg MOBI  Pdf by mimooh.svg PDF  Farm-Fresh file extension rtf.png RTF  Text-txt.svg TXT
75%.svg
Qualità del testo: sto testo el xe conpleto, ma el gà ancora da vegner rileto.
←  Rispondeme! Edission e fonte ▼ Le rime del fogolar  →
[p. 65 modifica]
L'Adese



     L'Adese el nasse e col pensier che sgola
verso l'Italia che ghe dà la strada,
zo par i monti el core el se consola,
4cantando un'aria fina e inamorada.

     E col cor che ghe sbalsa e che ghe sbrusa
fasendo finta do no védar gnente,
da furbo invesse el trova qualche scusa
8par catar1 su el dialeto de la gente.

[p. 66 modifica]


     Ma sul più belo che 'l se sente in vena
de sfogarse pulito e de cantar,
ghe par che in giro passa e se remena
12un'aria storta che lo fa pensar.

     E guardandose a torno immusonado,
el fil de la canson el se ghe perde,
'na bruta storia intanto l'à imparado
16e da la bile el te deventa verde.

     Su quele rive el trova scrito Trento,
Trento che pianse ma no 'l se dispera,
che 'l guarda se vien su quel serto vento,
20che ghe farà voltar la so bandiera.

     E caminando alora chieto, chieto,
col pensier che lo seita2 rosagar,
el cambia siera, el par un puteloto,
24che tase sempre e che voria parlar.

[p. 67 modifica]


     Ma quando el vede in giro i bei paesi,
piantadi in meso a tanta poesia,
quando el taca3 a incontrar de i pra destesi,
28drio quele rive che ghe scapa via;

     ghe ride el cor, la bile la ghe passa,
tolendo su4 quel'estro da contento,
e par Verona che 'l se vede in fassa,
32el se mete a cantar l'Ino de Trento!

     L'Adese el passa e col pensier che sgola,
verso i paesi che g'à dà la strada,
drio le rive de Italia el se consola,
36cantando un'aria fina e inamorada!



Note
  1. catar su: raccogliere
  2. seita: continua
  3. el taca: incomincia
  4. tolendo su: prendendo