Ma quando el vede in giro i bei paesi,
piantadi in meso a tanta poesia,
quando el taca[1] a incontrar de i pra destesi,
28drio quele rive che ghe scapa via;
ghe ride el cor, la bile la ghe passa,
tolendo su[2] quel'estro da contento,
e par Verona che 'l se vede in fassa,
32el se mete a cantar l'Ino de Trento!
L'Adese el passa e col pensier che sgola,
verso i paesi che g'à dà la strada,
drio le rive de Italia el se consola,
36cantando un'aria fina e inamorada!
