Indosso ti te porti el to tesoro
|
1789
|
|
Edission original: |
Giorgio Baffo, Raccolta universale delle opere di Giorgio Baffo veneto, Tomo III, Cosmopoli, 1789 |
|
Fonte: |
Indice:Raccolta universale delle opere di Giorgio Baffo 3.djvu |
| ← Quel grand'Omo, quel spirito elevato | Edission e fonte ▼ | Chi dise, che xe scritto per dies'ani → |
Indosso ti te porti el to tesoro,
Manda a far buzarar i Avogadori,
E quanti al Mondo ghè Procuratori,
4E savj del Colleggio, e Stole d'oro.
I cogioni xe quei, che 'l so restoro
Crede trovar in mezzo dei onori,
Ma 'l filosofo scampa dai rumori,
8E se petta sul Cul Senato, e Foro.
Godi in te stesso, e varda in quel castello,
Se ti puol buzarar qualche ragazzo,
11O farte da un Soldà menar l'Osello.
La xe nome opinion el to strapazzo;
Consolate, ch'i t'hà lassà 'l più bello,
14S'i t'hà lassà, grazie al Signor, el Cazzo.