I tre M

Da Wikisource
Jump to navigation Jump to search

EPUB silk icon.svg EPUB  Mobi icon.svg MOBI  Pdf by mimooh.svg PDF  Farm-Fresh file extension rtf.png RTF  Text-txt.svg TXT
75%.svg
Qualità del testo: sto testo el xe conpleto, ma el gà ancora da vegner rileto.
[p. 360 modifica]
I TRE M.


Un zorno tre letere
     Del nostro alfabeto,
     Urtade un pocheto
     Per via de amor proprio,
     5Gavea bega insieme;
     Le gera tre eme,
     Magiuscola, picola,
     E granda corsiva.
     Ognuna za ambiva
     10De aver magior merito,
     De goder più stima,
     E d'esser la prima
     Che possa dir mi.
     Ma senza del i
     15No basta za l'eme,
     Ghe vol zonti insieme
     I m a dir mi.

E adesso capì,
     Che dela question
     20La risoluzion
     La stava in tel i.
     Sto i gera solo,
     E forsi anca molo,
     Nè questo ze un cogno,
     25Che suso per regerse
     L' aveva bisogno
     De un fia de puntin.
     Tra elo e 'l so punto
     Nol gera bastevole
     30A farghe l'agiunto
     A tute ele tre.
Per questo de torselo
     Za nata la gera,
     Più manzi se dopara
     35Più avanti se para,
E ognuna i so meriti
     Metendoghe in vista
     Cercava esser l'unica
     Nel far la conquista.
40Mi, dise la picola,
     Son certa e sicura,
     Che tute za suparo;
     Vardè la figura.
Se un'opera in picolo
     45Ze assae più elegante
     Mi son la più pepola,
     Vol dir più galante.
Se conto po i meriti,
     Che go nel parlar,
     50A dirme primissima
     No gh'è da pensar.
Chi parla in magiuscole?
     Nissuno per dia;
     In scrito se tolera,
     55Che alquante ghen sia,
Ma i casi è pochissimi,
     E mi ogni mumento,
     E ugnola e dopia,
     Me trovo in cimento;
60Nè conto tra l'ultime
     Mie prerogative,
     Che amor no se scrive
     Se mi no ghe son.
Mo cara, ghe replica
     65La eme magior,

[p. 361 modifica]

     Se vu no dè 'l placito
     No gh'è dunque amor?
E mi no son dopia?
     No gh'entro l'istesso
     70In tei frontespizi?
     E fè sto riflesso,
Che quei rimarcabili
     Ze molti de più;
     E in tei nomi propri
     75La prima seu vu?
Se i vol po far calcolo
     In quanto a figura,
     Per mi assae più provida
     Ze stada natura.
80Ze mai confrontabile
     La mia gravità?
     Presenza più nobile
     No mostra un soldà.
Le forme ze erculee,
     85Le gambe slargae
     Le par do colone
     Le più compagnae.
Insoma ze inutile
     Combater per l'i;
     90Za tuti ze al'ordine
     Che 'l piega per mi.
Sarà, dise seria
     La eme corsiva,
     Pol darse che 'l riva
     95A unirse con vu;
Ma mi son più varia,
     Mi son più de moda,
     Mi son manco voda,
     Più grazia mi go;
100Co mi el ze più libero,
     Co mi el ga più spesso
     Un facile acesso
     In gran società:
Perchè za mi domino,
     105E scrita e stampada,
     E son sempre usada,
     Che tuti lo sa;
Ma st'altra magiuscola
     Co quele so zampe
     110La ze per le stampe,
     Ma in scrito? sior no;
E se anca la picola
     Più spesso ghe entrasse

     Saveu cossa nasce?...
     115No i varda che mi.
Quel'altra, missiandose
     Co letere eguali,
     I so capitali
     Finisce cussì;
120E mi... ma za un ipsilon,
     Che in tel alfabeto
     Del nostro dialeto
     Sta sempre de bando,
     El stava ascoltando,
     125E co bruto viso
     Cussì l'à deciso.
Beghè pur insieme,
     Sarè sempre eme,
     E l'eme trovandola
     130Senz'altra parola
     Cussì sola - sola,
     Scusè se 'l rispeto
     Mi bia che ve perda,
     Vol dir proprio merda;
135Sichè fè benissimo
     A torve un agiuto
     Per comodar tuto,
     Ma se credè a mi
     El ze poco un i;
     140Ghe vol anca un o;
     Toleve un i o,
     Che questo adatabile
     Prometo che 'l ze
     Per farve 'l servizio
     145Quantunque siè in tre.
     Opur folè un ario,
     E 'l conto è finio
     Senz'altro lunario;
     Sia granda, sia picola,
     150Cussì combinae.
     Corsiva, o magiuscola,
     Sarè ricercae.

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=I_tre_M&oldid=41849"