Pagina:Raccolta di poesie in dialetto veneziano 1845.djvu/368

Da Wikisource
Sta pagina la xe stà trascrita, ma la gà ancora da vegner rileta.

     De le nozze el sacro nodo
     Mi no intendo disprezzar:
     325Che no aprovo, che no lodo,
     Xe 'l volersene abusar.
Seu po mossi a far sta union,
     No da fini secondari,
     Ma per tender ala pura
     330Intenzion - de la natura,
     Per dar vita ai vostri pari,
     E trovar quela metà,
     Che per vu xe sta formà?
Ve lo zuro, no gh'è pregio,
     335Che del talamo sia megio:
     L'è un'union de paradiso
     Che inocenza à incoronà:
     Che quel ben, che xe diviso,
     Ve presenta radopià.
     340Anzi tuti - pute e putì,
     Seguitè co divozion
     Quel'inata propension.
     No se zoghelo anca al loto?
     Provè pur, che ve lo adoto,
     345Provè pur se qualcheduno
     Fra quei mile trova l'uno.


I TRE M.


Un zorno tre letere
     Del nostro alfabeto,
     Urtade un pocheto
     Per via de amor proprio,
     5Gavea bega insieme;
     Le gera tre eme,
     Magiuscola, picola,
     E granda corsiva.
     Ognuna za ambiva
     10De aver magior merito,
     De goder più stima,
     E d'esser la prima
     Che possa dir mi.
     Ma senza del i
     15No basta za l'eme,
     Ghe vol zonti insieme
     I m a dir mi.

E adesso capì,
     Che dela question
     20La risoluzion
     La stava in tel i.
     Sto i gera solo,
     E forsi anca molo,
     Nè questo ze un cogno,
     25Che suso per regerse
     L' aveva bisogno
     De un fia de puntin.
     Tra elo e 'l so punto
     Nol gera bastevole
     30A farghe l'agiunto
     A tute ele tre.
Per questo de torselo
     Za nata la gera,
     Più manzi se dopara
     35Più avanti se para,
E ognuna i so meriti
     Metendoghe in vista
     Cercava esser l'unica
     Nel far la conquista.
40Mi, dise la picola,
     Son certa e sicura,
     Che tute za suparo;
     Vardè la figura.
Se un'opera in picolo
     45Ze assae più elegante
     Mi son la più pepola,
     Vol dir più galante.
Se conto po i meriti,
     Che go nel parlar,
     50A dirme primissima
     No gh'è da pensar.
Chi parla in magiuscole?
     Nissuno per dia;
     In scrito se tolera,
     55Che alquante ghen sia,
Ma i casi è pochissimi,
     E mi ogni mumento,
     E ugnola e dopia,
     Me trovo in cimento;
60Nè conto tra l'ultime
     Mie prerogative,
     Che amor no se scrive
     Se mi no ghe son.
Mo cara, ghe replica
     65La eme magior,

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Pagina:Raccolta_di_poesie_in_dialetto_veneziano_1845.djvu/368&oldid=59653"